საქართველოს ბაზარზე კიბოს გამომწვევი ტყლარწი გამოვლინდა
საქართველოს ბაზარზე კიბოს გამომწვევი ტყლარწი გამოვლინდა - ამის შესახებ ინფორმაციას მომხმარებელთა უფლებების ცენტრი აქვეყნებს.
მათივე ცნობით, 2025 წლის ოქტომბერში საქართველოში ბაზრის ზედამხედველობის სააგენტომ გაყიდვიდან ამოიღო ბავშვებისთვის განკუთვნილი სათამაშო ტყლარწის რამდენიმე ტიპის პროდუქტი.
ინფორმაციის თანახმად, პროდუქტი შეიცავდა კიბოს გამომწვევ ქიმიკატებს. უფრო კონკრეტულად კი, ტყლარწში დაფიქსირდა ბორის მიგრაცია – 1180 მგ/კგ, რაც რაც მნიშვნელოვნად აღემატება დასაშვებ ნორმას (300 მგ/კგ) და ნივთიერება მიეკუთვნება კარცენოგენულ, მუტაგენურ და რეპროდუქციისთვის ტოქსიკურ (CMR) ჯგუფს.
ცენტრი მშობლებისთვის რჩევებსაც აქვეყნებს:
გადაამოწმეთ ეტიკეტი და უსაფრთხოების ნიშნები (CE და სხვ.)
მოარიდეთ ბავშვებს უცნობი წარმოშობის ტყლარწები
ეჭვის შემთხვევაში მიმართეთ ბაზრის ზედამხედველობის სააგენტოს
ბავშვების უსაფრთხოება პირველ ადგილზეა!
